कोल्हापूर जिल्ह्यातील लॉकडाऊन शिथिल होणार ?

कोल्हापूर : कोरोनाच्या वाढत्या संसर्गाच्या पार्श्वभूमीवर कोल्हापूर जिल्ह्यात कडक लॉकडाऊन जाहीर करण्यात आला होता. त्यात रविवारी या लॉकडाऊनची मुदत संपत असून येत्या सोमवार पासून लॉकडाऊन वाढणार की त्यात शिथिलता देण्यात येणार असा प्रश्न सर्व कोल्हापूरकरांना पडलेला आहे. मात्र याबाबत आज शनिवारी सायंकाळी अधिकृत घोषणा करण्यात येणार आहे.

जिल्ह्यात कोरोना संसर्गाचा सध्या उच्चांक असून रोज पॉझिटिव्ह रुग्णांची संख्या दीड हजारावर आहे. तर मृत्यूचेही सरासरी प्रमाण ५० इतके आहे त्यामुळे लोकप्रतिनिधी व जिल्हा प्रशासनाने मागील शनिवारपासून जिल्ह्यात आठ दिवसांचा कडक लॉकडाऊन जाहीर केला होता.

याचा कालावधी उद्या रविवारी रात्री बारा वाजता संपणार आहे. शनिवारी सकाळी पालकमंत्री सतेज पाटील जिल्हाधिकारी कार्यालयात आले होते. यावेळी त्यांनी प्रसारमाध्यमांशी बोलतना कडक लॉकडाऊन वाढवणार नसल्याचे संकेत दिले. मात्र त्याची अधिकृत घोषणा सायंकाळी होणार आहे.