नगररचना विभागाकडून विशेष कॅम्पमध्ये 41 भोगवटा प्रमाणपत्रे निर्गत

कोल्हापूर ता.26 :- महानगरपालिका नगररचना विभागाच्यावतीने दि.5 मे 2021 पुर्वी ऑफलाईन पध्दतीने नगररचना विभागाकडे सादर झालेली आहेत. विकास परवानगी कामांच्या भोगवटा प्रमाणपत्रावर प्रशासकिय मंजुरीची कार्यवाही तात्काळ होणेसाठी गुरुवारी झालेल्या विशेष कॅम्पमध्ये 41 फाईल्स निर्गत करुन भोगवटा प्रमाणपत्रे देण्यात आली. या कॅम्पसाठी गुरुवारी एकूण 54 अर्ज दाखल झाले होते. यापैकी 4 प्रकरणे कागदपत्रे अपूरी असल्याने निकाली काढण्यात आली. तर 9 प्रकरणे प्रलंबित आहेत. या विशेष कॅम्पचे बागल मार्केट राजारामपुरी येथील नगररचना विभागात आयोजन करण्यात आले होते.

दि.5 मे 2021 पुर्वी ऑफलाईन पध्दतीने नगररचना विभागाकडे जी प्रकरणे सादर झालेली आहेत अशा प्रकरणांची भोगवटयाची कामे जलद गतीने होण्यासाठी प्रशासक डॉ.कादंबरी बलकवडे यांनी नगररचना विभागामध्ये विशेष कॅम्प आयोजित करण्याचे आदेश दिलेले आहेत. या अनुषंगाने नगररचना विभागामार्फत गुरुवार व शुक्रवार दि.27 ऑगस्ट 2021 रोजी कोव्हीड-19 विषाणु संसर्गाचे अनुषंगाने आवश्यकत्या नियमांचे पालन करुन विशेष कॅम्पचे आयोजन केलेले आहे. तरी दि.5 मे 2021 पुर्वी ऑफलाईन सादर केलेली प्रकरणे निर्गत होण्यासाठी संबंधीतांनी शुक्रवारी या विशेष कॅम्पचा लाभ घ्यावा असे आवाहन नगररचना विभागामार्फत करण्यात आले आहे.

यावेळी सहाय्यक संचालक नगररचना रामचंद्र महाजन, उपशहर रचनाकार रमेश मस्कर, सर्व कनिष्ठ अभियंता, सर्वेअर उपस्थित होते.