भाजपा महिला मोर्च्याच्या वतीने रक्षाबंधन कार्यक्रम उत्साहात संपन्न

कोल्हापूर दि २४           भारतीय जनता पार्टी महिला आघाडीच्या वतीने रक्षा बंधन कार्यक्रम उत्साहात साजरा करण्यात आला. कोविड, महापूर अश्या संकटकाळात लोकांना दिसवरात्र सेवा करणाऱ्या तसेच जनतेच्या संरक्षणासाठी कार्यरत असणाऱ्या पोलीस बांधवाना (जुना राजवाडा पोलीस स्टेशन, राजारामपुरी पोलीस स्टेशनमध्ये), आरोग्य सेवा देणाऱ्या डॉक्टर, नर्सेस, आशा सेविका, पंचगंगा स्मशान भूमी मध्ये कार्यरत असणारे कर्मचारी, स्वच्छता कर्मचारी यांना राखी बांधून कृतज्ञता व्यक्त करण्यात आली.

या वेळेस महिला आघाडी जिल्हाध्यक्षा गायत्री राऊत, असावरी जुगदार, कोमल देसाई, समयश्री कुमार, वंदना नाईकवाडे,मधुरा इमानदार, निकिता यादव,शुष्मा गर्दे, श्वेता कुलकर्णी,स्वाती कदम,लता बर्गे, प्राची कुलकर्णी, भारती जोशी, किशोरी स्वामी,  वंदना माने, सुनीता सूर्यवंशी आदींसह महिला पदाधिकारी उपस्थित होत्या.