महाराष्ट्र गट-क सेवा संयुक्त पूर्व परीक्षा रविवारी

कोल्हापूर, दि. 30 : महाराष्ट्र लोकसेवा आयोगामार्फत महाराष्ट्र गट-क सेवा संयुक्त पूर्व परीक्षा 2021 रविवार दि. 3 एप्रिल रोजी सकाळी 11 ते 12 या वेळेत घेण्यात येणार आहे, अशी माहिती निवासी उपजिल्हाधिकारी शंकरराव जाधव यांनी दिली.

महाराष्ट्र गट-क सेवा संयुक्त पूर्व परिक्षेसाठी सुमारे 16 हजार 642 परीक्षार्थी बसणार असून शहरातील महाविद्यालये व हायस्कूल अशा एकूण 54 उपकेंद्रावर परीक्षेची बैठक व्यवस्था करण्यात आली आहे.

परिक्षेकरिता उमेदवारांनी परीक्षा सुरू होण्यापूर्वी  तीन तास अगोदर  केंद्रावर उपस्थित राहणे आवश्यक आहे. उमेदवारांनी त्यांचे मूळ ओळखपत्र (आधार कार्ड/पॅनक्रमांक/ फोटो) व प्रवेश प्रमाणपत्र झेरॉक्स प्रतिसह सोबत आणायचे आहे. कोव्हिड-19 चा प्रादुर्भाव रोखण्यासाठी सर्व उमेदवारांनी मास्क वापरणे व सॅनिटायझर जवळ ठेवणे अनिवार्य आहे.