सोशल डिस्टंस ठेवून शहरातील स्वच्छता मोहिमेत 3 टन कचरा उठाव

कोल्हापूर  : कोव्हीड 19 संसर्गाच्या पाʉर्ाभूमीवर कोल्हापूर महानगरपालिकेच्या आरोग्य विभागामार्फत विविध स्तरावर उपाययोजना सुरु आहेत. या अंतर्गत आज शहरातील नाले स्वच्छता व औषध फवारणी मोहिम आज राबविण्यात आली. या स्वच्छता अभियानामध्ये 3 टन कचरा व प्लॅस्टिक गोळा करण्यात आला. सदरच्या मोहिमेचा 56 वा रविवार असून या अभियानामध्ये महापालिकेच्या सफाई कर्मचाऱ्यांनी सोशल डिस्टंस ठेवून स्वच्छता मोहिमेत सहभाग नोंदविला. सदरची मोहिम आयुक्त डॉ.मल्लिनाथ कलशेट्टी यांचे मार्गदर्शनाखाली पार पडली.
    यावेळी कोरोनाचा प्रादुर्भाव रोखण्यासाठी प्रतिबंधात्मक योजनेचा भाग म्हणून महापालिकेच्या आरोग्य विभागामार्फत राजे संभाजी कॉलनी राजोपाध्येनगर येथे औषध फवारणी करण्यात आली. तसेच नागरीकांना आपण घरीच रहा, सुरक्षित रहा, विनाकारण बाहेर फिरु नका असे प्रबोधनही केले.
सदरची मोहिम आयसोलेशन हॉस्पीटल परिसर, गायकवाड वाडा येथील छत्रपती राजाराम महाराज समाधी स्थळ, यादवनगर झोपडपट्टी, जयंती पंपीग स्टेशन, पंचगंगा नदी घाट, रिलायन्स मॉल मागे, गांधी मैदान, रंकाळा तलाव परिसर, शास्त्री नगर, याठिकाणी राबविण्यात आली. या मोहिमेत 4 जेसीबी, 5 डंपर, 6 आरसी गाडया, 1 पाण्याचा टँकर व 1 टँकरद्वारे औषध फवारणी करण्यात आली. तसेच महापालिकेच्या 70 स्वच्छता कर्मचा-यांच्या सहाय्याने मोहिम राबविण्यात आली.
    यावेळी आरोग्य अधिकारी डॉ.दिलीप पाटील, शाखा अभियंता आर.के.पाटील, मुख्य आरोग्य निरिक्षक जयवंत पोवार, आरोग्य निरिक्षक राहूल राजगोळकर, आरोग्य निरिक्षक मनोज लोट, स्वप्निल उलपे, शिवाजी शिंदे, अरवींद कांबळे, ऋषीकेश सरनाईक, शुभांगी पोवार, स्वरा फौंडेशनचे अध्यक्ष प्रमोद माजगांवकर व कार्यकर्ते, स्वच्छता दूत अमित देशपांडे, शहर पाणी पुरवठा ड्रेनेज विभाग कडील कर्मचारी उपस्थित होते.