शहरात 4666 नागरीकांचे लसीकरण

कोल्हापूर ता.18 : बुधवारी महापालिकेच्या 11 प्राथमिक आरोग्य केंद्रात कोविशिल्डचे 4666 नागरीकांचे लसीकरण करण्यात आले. यामध्‍ये हेल्थ केअर वर्कर व फ्रंट लाईन वर्कर 33 व 18 ते 45 वर्षापर्यंत 3851 नागरीकांचे लसीकरण करण्यात आले. तर 45 ते 60 वर्षापर्यंत 548 नागरीकांचे व 60 वर्षावरील 234 नागरीकांचे लसीकरण करण्यात आले.

अंथरुणाला खिळलेल्या 26 व्याधीग्रस्तांचे लसीकरण

            अंथरुणाला खिळलेल्या 26 व्याधीग्रस्त नागरीकांचे बुधवारी महापालिकेने घरी जाऊन लसीकरण केले. जे नागरीक केंद्रापर्यंत येऊ शकत नाहीत अथवा अंथरुणावरुन खाली उतरु शकत नाहीत अशा व्याधीग्रस्तांना घरी जाऊन महापालिकेच्यावतीने लसीरण करण्यात येत आहे. यामध्ये प्राथमिक नागरी आरोग्य केंद्र कसबा बावडा येथे 7, फुलेवाडी येथे 10 व सिध्दार्थनगर येथे 9 व्याधीग्रस्त नागरीकांचे लसीकरण करण्यात आले.

            गुरुवार, दि.19 ऑगस्ट 2021 रोजी 18 वर्षे वयोगटावरील कोविशिल्डचा पहिला डोस देण्यात येणार आहे. यामध्ये ज्या लाभार्थ्यांनी पहिल्या डोसच्या लसीकरणासाठी Cowin Portal वर ऑनलाईन रजिस्टेशन केले आहे. फक्त त्यांनीच महापालिकेच्या प्राथमिक नागरी आरोग्य केद्राकडे लसीकरण करण्यासाठी यावे. गुरुवारी प्राथमिक नागरी आरोग्य केंद्र सावित्रीबाई फुले, फिरंगाई, राजारामपुरी, पंचगंगा, कसबा बावडा, महाडिक माळ, आयसोलेशन, फुलेवाडी, सदर बाजार, सिध्दार्थनगर, मोरेमाने नगर, भगवान महावीर दवाखाना व कदमवाडी या केंद्रावर लसीकरण करण्यात येणार आहे.