प्रकल्पग्रस्तांनी जमीन व भूखंड मागणी अर्ज समक्ष सादर करावेत - अश्विनी सोनवणे-जिरंगे

कोल्हापूर, दि. 24 :  प्रकल्पग्रस्तांच्या अडीअडचणींचा निपटारा होण्यासाठी व प्रकल्पग्रस्तांचे कामकाज जलदगतीने होण्यासाठी जिल्ह्यातील पाटबंधारे प्रकल्पातील प्रकल्पग्रस्तांना जमीन व भूखंड वाटपाबाबत कार्यक्रम निश्चित केला आहे. त्या-त्या प्रकल्पातील जमीन व भूखंड मिळण्यास शिल्लक असलेल्या प्रकल्पग्रस्तांनी जमीन व भूखंड मागणी अर्ज नमुद केलेल्या ठिकाणी सकाळी 11 ते सायंकाळी 5 या वेळेत समक्ष उपस्थित राहून सादर करावेत, असे आवाहन पुनर्वसन विभागाच्या उपजिल्हाधिकारी अश्विनी सोनवणे-जिरंगे यांनी  केले आहे.

प्रकल्पाचे नाव, उपविभागाचे नाव, अर्ज करावयाचा दिनांक व अर्ज सादर करावयाचे ठिकाण खालीलप्रमाणे-

दुधगंगा प्रकल्प- उपविभागीय अधिकारी, करवीरसाठी दि. 8 फेब्रुवारी 2022 रोजी ताराराणी सभागृह,  जिल्हाधिकारी कार्यालय कोल्हापूर.

उपविभागीय अधिकारी, इचलकरंजीसाठी दि. 2 व 3 फेब्रुवारी 2022 रोजी तहसिलदार कार्यालय हातकणंगले व दि. 9 व 10 फेब्रुवारी 2022 रोजी तहसिलदार कार्यालय शिरोळ.

 उपविभागीय अधिकारी, कागलसाठी दि. 16 व 17 फेब्रुवारी 2022 रोजी तहसिलदार कार्यालय कागल व दि. 23 व 24 फेब्रुवारी 2022  रोजी तहसिलदार कार्यालय राधानगरी

तुळशी प्रकल्प- उपविभागीय अधिकारी, करवीरसाठी  दि. 3 व 4 मार्च 2022 रोजी जिल्हा पुनर्वसन कार्यालय व उपविभागीय अधिकारी राधानगरी-कागलसाठी  दि. 9 व 10 मार्च 2022 रोजी तहसिलदार कार्यालय राधानगरी  याप्रमाणे राहील.

पाटगांव प्रकल्प- उपविभागीय अधिकारी आजरा भुदरगडसाठी  दि. 16 मार्च 2022 रोजी तहसिलदार कार्यालय भुदरगड.

केळोशी प्रकल्प-  उपविभागीय अधिकारी राधानगरी-कागलसाठी दि. 17 मार्च 2022 रोजी तहसिलदार कार्यालय राधानगरी.

नमुद केलेल्या दिनांकास व ठिकाणी ज्या प्रकल्पग्रस्तांना जमीन व भूखंड मिळालेला नाही त्यांनी अर्ज व त्यासोबत 65 टक्के रक्कम भरल्याचा पुरावा व बुडीत जमिनीची कागदपत्रे सादर करावीत.

टिप: दुधगंगा प्रकल्पातील प्रकल्पग्रस्तांसाठी दि. 27 जानेवारी 2022 रोजी आयोजित करण्यात आलेला  कॅम्प दि. 8 फेब्रुवारी  रोजी  ठेवण्यात आला आहे.

0000000